Бөлүмдөр
Бейшемби, 24-январь
Жалал-Абад облусу, Кербен 02.11.2016 10:55

Эл ичи — өнөр кенчи: Аксылык Аязбек француз Бернарддан ашпозчулук кесипти үйрөнгөн (фото)

Turmush -  Аксылык 27 жаштагы Аязбек Батырбеков Москвада ашпозчу болуп иштеп, айына 50-60 миң рубль маяна алат. Turmush басылмасынын кабарчысы ашпозчу менен таанышты.

IMG-20161102-WA0007

Анын айтымында, Жалал-Абад облусунун Кербен шаарында төрөлгөн. Ашпозчулук кесипти 7 жылдан бери аркалап келет.

«Бишкекте жогорку окуу жайлардын биринде окуп жүрүп акчанын тартыштыгынан ар кайсы курулуш иштеринде иштедим. 2-курста ата-энемди кыйнабай, акча табайын деп окуумду сырттан окуу бөлүмүнө которуп, 2008-жылы Москвага келгем. Ошентип бул жактан өз кесибимди таптым десем болот.

IMG-20161102-WA0004

Ашпозчулук өнөрдү алгач Бернард деген француз ашпозчусунан үйрөндүм. Анын колунда 2 жыл иштеп, андан соң япондордун ашканасына жумушка кирдим. Ал жакта 2 жылдан ашык иштеп, учурда европалык-италиялык ашканада иштеп жатам. Айлык акым 50-60 миң рублдин тегереги болот. Кудайга шүгүр, баары жетиштүү. Үй-бүлөм менен 1 бөлмөлүү батирге 25 миң рубль төлөп жашайбыз. Кыргызстанга жылына 1 жолу барып турам. Кудай буюрса келечекте Бишкек шаарына барып өзүмдүн ресторанымды ачсам деген тилегим бар», - деди ал.

Ашпозчу 1 кыздын атасы.

IMG-20161102-WA0005

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×