Бөлүмдөр
Жекшемби, 25-август
Жалал-Абад облусу, Кербен 11.12.2018 12:35

Кербендин борбордук көчөлөрүнүн бирине Ч.Айтматовдун ысымы ыйгарылды (фото)

Turmush -  Жалал-Абад облусунун Кербен шаарынын борбордук көчөлөрүнүн бирине улуу жазуучу Чыңгыз Айтматовдун ысымы ыйгарылды. Бул тууралуу мэр Нарматалы Эсеналиев билдирди.

Анын айтымында, маданият үйүнүн имараты оңдоодон өтсө, ага да Ч.Айтматовдун ысымы ыйгарылат.

«Буга чейин Кербен шаарындагы борбордук көчөлөрдүн биринин ысымы жок болчу. Шаар тургундары ошол көчөгө жакын жайгашкан борбордук көчөнүн аталышы Салижан Шатманов болгондуктан, ал көчөнү да С.Шатманов 2 атындагы көчө деп аташчу. Эми ага Ч.Айтматовдун ысымын ыйгардык.

Шаар тургундары менен бирге көчөнүн ачылышын кылып, ага жергиликтүү бийликтин өкүлдөрү жана райондук мамлекеттик администрациянын жетекчилери да катышты. Мындан сырткары, шаардагы эскилиги жеткен маданият бөлүмүнүн имаратына мамлекеттик бьюджеттен 3,5 млн сом каралып, оңдоп-түзөө иштери жүрүп жатат. Оңдоо иштери бүтсө ал жерди музей кылып, Ч.Айматовдун ысымын ыйгарууну пландап жатабыз», - дейт мэр.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×